Məşhur meyxanaçımız sağlığında özünə qəbir qazdırdı – VİDEO
Sağ olsa da, artıq məzarı hazırdır. Bəli, indidən özünə məzar yeri hazırlayan şəxs hamınızın yaxşı tanıdığı meyxana ustadlarından biridir.
GoldNews.Az-ın məlumatına görə, məşhur meyxanaçı Ağamirzə Məmmədov özü üçün qəbir yeri götürüb, hətta həmin yeri qazdırıb, içi lazımi qaydada hörülüb, üstünə isə torpaq tökülüb və demək olar ki, tam hazır vəziyyətə gətirilib. Soyuq qış aylarında baş verən hadisədən çox keçmir ki, şair özünə qəbir sifariş edir. Onun sifarişini qəbul edən qəbirqazan əvvəlcə təəccüblənsə də, öz işini 2 günə təhvil verib. Ailəsi, qohumları, tanıyan-bilən hər kəs şairi bu əməlinə görə qınasa da, sonradan ona haqq qazandırıb, hətta onun hazır qəbrinə şərik çıxmaq istəyənlər də olub. Ümumiyyətlə, İslama görə hər bir müsəlman öz axirətini sağlığında düşünməlidir. Ustad sənətkara isə Allahdan uzun ömür diləyirik.
