Kriminal avtoritet azərbaycanlı biznesmeni niyə diri-diri basdırdı? - FİLM KİMİ OLAYIN BÜTÜN DETALLARI

Moskvada diri-diri basdırılan azərbaycanlı iş аdamı Hikmət Salayevin başına gələnlərlə bağlı bəzi məqamlar aydınlaşıb.

GoldNews.Az lent.az-a istinadən xəbər verir ki, əslində Salayevin şəriklərinə 1 milyon 500 min rubl borcu olub. Bu borcu isə şərikləri ona yox, əmisi oğluna veriblərmiş. Amma əmisi oğlu həmin borcu qaytarmadığından şərikləri Hikmətə müraciət ediblər. Hikmət isə yaxın zamanda borcu qaytara bilməyəcəyini bildirib.

Bundan sonra pul sahibləri “Prokladka” ləqəbli “qanuni oğru”ya müraciət ediblər və onunla görüş təyin ediblər. Hikmət görüşə gedəndə məlum olub ki, “Prokladka” tək deyil. Onunla birgə 30-dək silahlı şəxs də Hikməti gözləyir. “Qanuni oğru” Hikmətlə qısa söhbətdən sonra ona xərac qoyub. Hikmətə bildirilib ki, artıq onun borcu 1 milyon 500 min yox, 30 milyon rubldur.

Hikmət bu qədər pulu vermək iqtidarında olmadığını deyib. Cavabında isə onu Lyubersk rayon qəbiristanlığana aparıb basdırıblar. Hikmət quldurların onu diri-diri basdıracaqlarını görüb qardaşına zəng etmək istədiyini bildirib. Bir saatdan sonra onun qardaşı bir milyon pul və iki bahalı avtomobil gətirərək quldurlara verib. Bundan sonra Hikməti azad buraxılıb.

Banditlərin əlindən qurtulan Salayev Moskva şəhəri “Marğinskiy Park” polis idarəsinə üz tutub və baş verənlərlə bağlı ərizə yazıb. Polis isə onun ərizəsini qəbul etməyib. Ona beləcə də deyilib: “Siz azərbaycanlılar, gedin, öz problemlərinizi özünün bildiyiniz kimi həll edin”.

Bundan sonra Salayev Federal Təhlükəsizlik Xidmətinə müraciət edir. Aparılan əməliyat nəticəsində onun şəriklərindən biri saxlanılıb. Hazırda faktla bağlı araşdırma gedir.