İnternetdə sevgili tapmağın 11 QIZIL QAYDASI - ARAŞDIRMA

Artıq insanlar virtual aləmdə həyat yoldaşlarını, dostlarını axtarıb tapır və ünsiyyət qururlar. Lakin ən çox tələbat insanların sosial şəbəkələrdə sevgili tapmaq istəkləridir. Bəs bunu necə etmək olar? Çünki bəzən tanış olduğunuz şəxsin hesabı saxta olur, ya da sizi dostluğuna qəbul edib, sizinlə ünsiyyət qurmaq istəmir.

GoldNews.Az internetdə sevgili tapmağın yollarını araşdırıb, sizə təqdim edir:

1. Birilə tanış olduğunuz zaman ona sadəcə "salam" yazmayın. Onunla danışmağın sizin üçün nə qədər əhəmiyyətli olduğunu göstərən cümlələr qurun, məşğul olduqda belə ona qarşı səmimi sözlər söyləyin.

2. Hesabınızda olan şəkillərin bəyənilib-bəyənilməməsini deyil, niyə bəyənilib-bəyənilmədiyi haqqında danışın. Bu, sizə bir-birinizin daxili dünyanızı tanımağa daha çox kömək olar.

3. Hesabınıza düzgün şəkillər qoyun. Yəni yataq otağınızdan cəlbedici şəkil yerinə, daha səmimi, həqiqi şəkil paylaşın.

4. Məşğuliyyətləriniz haqqında yalan danışmayın, yəni kişiyə və yaxud qadına cəlbedici görünmək adına olmadığınız biri kimi davranmayın. Məsələn, şərab içməyi çox sevirsiniz, onunla əlaqəli paylaşımlar edin.

5. Neqativ olmayın, yəni "mən əsla görüşmərəm", ya da "sonsuza qədər bekaram" kimi davranmayın. Çünki bəzən o gözləmədiyiniz insan sizə mesaj göndərə bilər. Buna görə də bu cür mənfi düşüncələrin sizin daxili dünyanıza təsir etməsinə şərait yaratmayın.

6. Aranızda ciddi bir əlaqənin olub-olmadığını müəyyən etmək istəyirsinizsə, onunla telefonla və yaxud görüntülü ünsiyyət qurun.

7. Qarşınızdakı şəxslə açıq ünsiyyət qurun, yəni istər sizinlə bir gecəlik münasibət istəsin, istərsə də sadəcə mövsümi eşq olsun, yenə də onunla açıq ünsiyyət qurun.

8. Bütün diqqətinizi o şəxsə cəmləşdirin. Əgər qarşınızdakı şəxslə uzunmüddətli münasibət qurmaq istəyirsinizsə, onun dəyərini bilin və haqsızlıq etməyin.

9. Birilə ünsiyyət qurarkən unutmayın ki, o, tam sizin düşündüyünüz kimi və yaxud sizin istədiyiniz kimi olmayacaqdır. Çünki o da bir şəxsiyyətdir və özünə görə düşüncələri, fikirləri vardır. Əvvəlcədən bunu qəbul edin.

10. Sual verməkdən qorxmayın. Əgər qarşınızdakını daha yaxşı tanımaq istəyirsinizsə, mütləq ona suallar verin.

11. Sizi digərlərindən fərqləndirən xüsusiyyətlərinizdən bəhs etməkdən qorxmayın. Məsələn, bu, düşüncələriniz, bədəninizdə olan ləkələr, burnuzda çapığın olması kimi keyfiyyətlər ola bilər. Bunları qarşı tərəfə danışmaq sizin özünüzə olan inamınızı göstərəcəkdir.