450 MİNLİK GƏLİNLİK, 25 “LİMUZİN… – AYNA CƏBRAYILOVANIN DƏBDƏBƏLİ TOYUNDAN GÖRÜNTÜLƏR – VİDEO
O, 26 yaşlı çeçen Haydar Şəripovla ailə həyatı qurub
Çeçen milyoneri Umar Cəbrayılovun qardaşı qızı, Moskva Dövlət Universitetinin tələbəsi, 22 yaşlı Ayna Cəbrayılova Moskvada Louis Vuitton və Versace brendlərinin malları ilə doldurulan 300 min dollar dəyərində olan 32 çamadan cehizlə ərə gedib.
GoldNews.az aznews.az-a istinadən xəbər verir ki, Ayna neft biznesi ilə məşğul olan 26 yaşlı çeçen Haydar Şəripovla ailə həyatı qurub.
Bu haqda informasiyanı Daily Mail nəşri yayıb.
Gəlini aparmaq üçün Moskva yaxınlığındakı elit qəsəbəyə 25 limuzin gəlib. Aynanın gəlinlik paltarını Livan dizayneri Zuxair Murad tikib. Daş-qaşlar isə Britaniyanın Graff Diamonds zərgərlik evindən alınıb.
Toyun ikinci günü Ayna Livanın Elie Saab brendinin donunu geyinib. Deyilənə görə, hər iki gəlinlik donunun qiyməti 450 min dollardan bahadır.
Moskvanın “Safisa” restoranında keçirilən toya 600 nəfərdən çox qonaq dəvət edilib. Onları çeçen artistləri əyləndirib.
Qeyd edək ki, 60 yaşlı Umar Cəbrayılov rusiyalı iş adamı, mesenat və dövlət xadimidir. İddiaya görə, o super model Naomi Kempbell və kino ulduz Şeron Stounla eşq yaşayıb.
