FETO təşkilatının qızlara tapırığı - Başınızı açın, qısa ətək geyinin, içki için

FETO terror təşkilatının "izdivac quruluşu"na yönəlik aparılan araşdırmalarda keçən həftə İstanbulda həyata keçirilən əməliyyatlar zamanı saxlanılan təşkilat üzvü gənc bir qızın ifadələrindən qəribə faktlar ortaya çıxıb.

GoldNews.Az Türkiyə mətbuatına istinadən xəbər verir ki, təşkilatdaxili evliliklər üçün dərnək qurduğu ortaya çıxan FETO-nun "ablalar" adlandırılan qızlar vasitəsilə qısa ətək giymək, içki içmək kimi gizli qalmaq qaydalarını qurumdakı gənc qızlara necə qəbul etdirdiyi, təşkilat daxilindəki PKK-lılara necə pul toplandığına dair yeni məlumatlar məlum olub.

GƏNC QIZ HƏR ŞEYİ ETİRAF ETDİ

İstanbul Mütəşəkkil Cinayətkarlıqla Mübarizə İdarəsi əməkdaşları tərəfindən həyata keçirilən əməliyyatlar zamanı saxlanılan Ö.T. adlı gənç qızın verdiyi ifadələr təşkilatdaxili evlilik proqramının necə işlədiyini ortaya çıxarıb. Təşkilatla universitetdə oxuyarkən tanış olduğunu və son iki ildə baş verən hadisələrdən sonra oradan uzaqlaşdığını açıqlayan Ö.T. 2015-ci ildə, sonuncu kursda oxuyarkən orada yaşadığı məsələlərdən danışıb.

BEYİN YUMA ÇALIŞMALARI

Gənc qız "Evdə qaldığımız müddət ərzində, xüsusilə son kursda evlilik mövzüsü tez-tüz gündəmə gətirilirdi. Qaldığımız evin "ablaları" bizi evliliklərə cavabdeh xanımlara yönləndirirdi. Bu, bəzən evlilikdən məsul "abla"nın evə gəlməsiylə, ya da bu cür fəaliyyət göstərən Kadıköydəki dərnəyə gələcəyi, görüşlərin burada baş tutacağı yönündə olurdu. Evlənmək üçün namizəd olan qızlar bu dərnəkdə görüşlərə gedirdilər. Z.K adlı bir rəfiqəm nişanlı olduğu şəxslə bu evlərdən birində tanış olmuşdu. Bunu da mənə söyləmişdi. Bildirmişdi ki, evlənəcəyi şəxsin adını, peşəsini, hətta heç bir şəxsi məlumatını evlənəcəyi günə qədər bilməyib" deyib.

"BAŞINI AÇ"

Ö.T. onu da açıqlayıb ki, adətən qızlar bir yerə toplanır və dini duyğularla bəzi fədakarlıqlar etməyimizin vacib olduğu və bunu bəzən bir başqası üçün də edə biləcəyimiz bizə hədislərlə başa salınırdı.

"Bu zaman hətta başımızı aça, içki içə, qısa ətək giyə biləceyimiz bizə deyilirdi".