Elçilikdə "yox" cavabı alan oğlan qızın ailəsini güllələdi - VİDEO

Sevdiyi qadının ailəsinin evinə basqın edən şəxs qətliam törədib. Hadisədə 3 nəfər ölüb, 4 nəfər isə yaralanıb. Gənc oğlan o anları sosial mediadan canlı yayımlayaraq, "son vəziyyət bu", -deyib.

GoldNews.Az xəbər verir ki, İstanbulda ötən gecə sevdiyi qızın evinə gələn 26 yaşlı Əli S. 2 il əvvəl evlənmək istədiyi 27 yaşlı Gülşən Çətinkaya və evdə olan digər 6 nəfərə ov tüfəngilə atəş etməyə başlayıb.

Cinayətkar 38 yaşlı Melikə Çətinkaya, 16 yaşlı Ebru Çətinkaya və 17 yaşlı Tuncay Çətinkayanı öldürüb, Gülşən Çetinkaya, Yasin Çetinkaya, Bayram Ə. ilə Murad E.-ni yaralayıb. Silah səslərini eşidən ata Həsən Çətinkaya və məhəllə sakinləri hadisə yerinə gələrək polisə və təcili yardıma xəbər veriblər.

Hadisə yerindən uzaqlaşaraq qaçan Əli S. polis tərəfindən axtarılır.

3 nəfəri öldürən və 4 nəfərin yaralanmasına səbəb olan cinayətkar Əli S. hadisənin dərhal ardından mobil telefonu ilə sosial media hesabından canlı yayım edib.