2 həftə sonra evlənəcəyi qızın anasını və qardaşını güllələdi

Hadisə Türkiyənini Samsun şəhərində baş verib.

GoldNews.Az xəbər verir ki, evlərində silahlı hücuma məruz qalan 45 yaşlı Türkan Zonturlu və 20 yaşlı Onur Diril çatdırıldıqları xəstəxanada aldıqları güllə yaraları səbəbindən dünyalarını dəyişiblər.

Silahlı hücumun səbəbkarı olduğu iddia edilən 26 yaşlı Əhməd E. verdiyi ifadədə mərhum Türkan Zonturlunun qızı 18 yaşlı Nebile E. ilə qaçaraq rəsmi nigaha girdiyini və 2 həftə sonra da toy etməyə hazırlaşdıqlarını bildirib:

"Cinayəti mən törətdim. Hadisə axşamı qaynanamın həyat yoldaşıma dediyi sözləri eşidib özümü itirdim. Silahımı çıxarıb ətrafa atəş açmağa başladım. Qaynımın otaqdan çıxarkən əlində silaha bənzər bir şey olduğunu gördüyüm üçün ona da atəş açdım. 2 həftə sonra toy etmək üçün hazırlıq görürdük. Hadisəyə görə peşmanam".