Əkizlər polisə çağırılmaqlarından danışdı: "Sevgi çox təhlükəli hisdir"

Aparıcı və müğənni Sevil-Sevinc bacıları ötən gün polisə çağırılmaqları haqqında çıxan xəbərlərə münasibət bildiriblər.

GoldNews.az xəbər verir ki, bacılar bu cür xəbərlərin onları nüfuzdan salmaq üçün atılmış addım olduğunu bildiriblər.

"Bizi nüfuzdan salmağa heç kim sizə haqq verməyib. Sevgi çox təhlükəli hisdir. Xüsusəndə o sevgi hissi aşırı dərəcədə olursa...Məni hər zaman qorxudan əlçatmaz sevgi olub. Aydınlıq gətirim ki, tanımadığımız bilmədiyimiz bir şəxs ifadəsində bizim adımızı çəkib. Çox şükür Yasamal Polis İdarəsinin müstəntiqi öz işini peşəkar şəkildə aparıb və təqsirləndirilən şəxsin ifadəsinin yalnış olduğunu təsdiq ediblər".

Qeyd edək ki, ötən gün Müğənnilər Sevil-Sevinc Səfərovalar Yasamal Rayon Polis İdarəsinə çağırılıb. Belə ki, bir neçə gün öncə rayon ərazisində oğurluq faktı qeydə alınıb. Altı min manat civarında oğurluq edən gənc oğlan Yasamal polisi tərəfindən saxlanılıb. İddia olunur ki, həmin şəxs ilkin ifadəsində oğurladığı məbləğin böyük qismin pərəstişkarı olduğu Sevil-Sevinc bacılarına xərclədiyini bildirib. Müğənni bacılar şahid qismində ifadə vermək üçün polis bölməsinə dəvət ediliblər.