Dünya Çempionatında oynanılacaq top qapıçıları canından bezdirdi - "Onu əldə tutmaq imkansızdır"
Rusiyada təşkil olunacaq 2018-ci il Futbol üzrə Dünya Çempionatının öncəsində David de Xea, Pepe Reina və Mark-Andre ter Stegen yarışmada oynanılacaq topla bağlı şikayətçi olublar.
GoldNews.Az xəbər verir ki, Almaniya ilə oynadıqları hazırlıq matçından sonra danışan qapıçılar həmkarlarının bu topla böyük çətinliklər yaşayacaqlarını bildiriblər. 1970-1974-cü ilin Dünya Çempionatında istifadə olunan "Adidas Telstar" modelinin yenidən dizayn edilməsi ilə yaradılan futbol topu ötən oktyabr ayında ictimaiyyətə tanıdılıb.
Mövzu ilə bağlı açıqlama verən Reina " Qəribə şeylər edir, uçuşu təxmin edilmir və üzərində düzəldilməli olan çox şey var. Sizinlə bəhsə girirəm ki, Rusiyada 35-dən artıq uzaqdan qol görəcəyik. Çünki məşq etmək imkansızdır və üzərindəki plastik topun tutulmasını çətinləşdirir" deyib.
Mançestr Yunaytedin qapıçısı De Xea isə "Həqiqətən də qəribə bir topdur. Daha yaxşısı edilə bilərdi" - deyə bildirib. Barselonanın qapıçısı Ter Stegen "Çox hərəkət edir amma məncə, onunla çalışmağa öyrəşməliyik və Dünya Çümpionatı başlamadan öncə mükün qədər cəld davranmalıyıq. Başqa seçimimiz yoxdur" şəklində danışıb.
