"Dərya balıq evi"ndə tanınmış jurnalistə qarşı HÖRMƏTSİZLİK EDİLDİ - FOTO

Tanınmış jurnalist, Dövlət Dəniz Administrasiyasının mətbuat xidmətinin rəhbəri Tural Müseyibova qarşı paytaxtın tanınmış restoranlarından birində hörmətsizlik edilib.

GoldNews.Az xəbər verir ki, jurnalist bu barədə özünün sosial şəbəkədəki hesabında yazıb:

"Dərya balıq evi"nin rəhbərliyini tanıyan var? Tanıyan varsa, diqqətinə çatdırsın ki, restorana gələn müştəriyə əyləşmək üçün kabinet göstərib, sifarişi qəbul edəndən sonra özünü "administrator" kimi təqdin edən şəxs tərəfindən, "bura rezerv olunub, kabineti tərk edin!" demək çox böyük ədəbsizlikdir. Təəssüf ki bu cür şəxslərin səriştəsizliyi və ədəbsizliyi sayəsində Azərbaycanda bəzi restoranlar müştərilərini itirməklə mükafatlandırılırlar.