Soyuq otaqlara icra başçısı üçün qoyulan qızdırıcılar - Yenilənib-Foto

Lerik Rayon İcra Hakimiyyətinin başçısı Əkbər Abbasov Piran kənd inzibati ərazi dairəsi üzrə nümayəndəliyinin Piran və Zərigüməco kəndlərinin sakinləri ilə görüş keçirib. “Qafqazinfo” “Qaynarinfo”ya istinadən xəbər verir ki, fotolarda həmin görüş zalında sakinlərin oturduğu hissədə deyil, yalnız Ə.Abbasovun oturduğu masanın yanında iki istilik sobasının qoyulması diqqət çəkib. İcra başçısının keçirdiyi görüş zalında istilik olmaması və buna görə oturduğu masanın arxasına elektrik qızdırıcılarının qoyulması müzakirələrə səbəb olub. Maraqlıdır ki, görüşdə sakinlər tərəfindən elə elektrik təsərrüfatının yenilənməsi, içməli su probleminin həlli kimi bir neçə müraciət səsləndirilib. Əksər vətəndaşlar otaqda gödəkçə ilə əyləşiblər. Qeyd edək ki, görüş 8 yanvar tarixində keçirilib. *** Görüşdən çəkilən fotolar mediada yayıldıqdan sonra həmin görüntülər Lerik Rayon İcra Hakimiyyətinin saytından və feysbuk səhifəsindən silinib və əvəzində montajlanmış foto yerləşdirilib. Daha sonra həmin foto da sayt və səhifədən yığışdırılıb.