Deputatdan dərslərin 15 sentyabrda başlamasına UNİKAL TƏKLİF: "Müəllimlərin hər birinə..."

"İyun ayının istisində dərsə getməyə məcbur olan məktəblilərin və müəllimlərin hər birinə sərinkeş olmayan otaqlarda tərdən qurtulmaq üçün ödənişsiz əsaslarla "kitayski" yelpik verilməlidir.

GoldNews.Az xəbər verir ki, bu fikirləri Milli Məclisin deputatı Fazil Mustafa özünün sosial şəbəkədəki hesabında yazıb. Millət vəkili qeyd edib ki, təhsilimizi TƏRdən qorumaq üçün bir dənə də böyük Avropa və ya Amerika yelpiyi lazımdır.

"İllərdir təhsilimizdə BİLGİnın hələ də TƏRdən önə keçmədiyini görürük. Sentyabrın 1-i ənənə olaraq Azərbaycanda BİLİK GÜNÜ günü kimi yadda qalıb, ancaq təhsilin məqsədi BİLİK olmadığına görə dərslərə BİLİKdən 15 gün adlayaraq başlayırıq. İctimai nəqliyyat keyfiyyətli, əlçatan, alternativli və təhlükəsiz olmadığına görə, uşaqları ilə birlikdə hər gün məktəbə əziyyətlə iki dəfə gedib-qayıdan, yaxud da pulsuz adlanan təhsil üçün uşaqları məktəbə aparıb-gətirməyə xüsusi maşın tutaraq cibindən vəsait ödəyən, sonra da daha keyfiyyətli imtahan hazırlığı üçün cibindən repititorlara pul dağıdan qəhrəman valideynlərə də mənəvi kislarod çatışmazlığı üçün gündə 300 qram süd kompensasiyası verilməlidir".