Bakıda park edilən avtomobillərin şüşələri sındırıldı - FOTOLAR

Bakıda avtomobillərə naməlum şəxslər tərəfindən hücum olunub.

GoldNews.az xəbər verir ki, bu barədə sosial şəbəkədə məlumat yayılıb. Hadisənin paytaxtın Nizami rayonu ərazisində baş verdiyi deyilir.

Məlumatlarda paytaxtın bəzi ərazilərində park edilən avtomobillərin şüşələrinin naməlum şəxslər tərəfindən sındırıldığı bildirilir.

Eyni zamanda, avtomobillərin gecə saatlarında təkərlərinin çıxarılaraq oğurlandığı iddia olunur.

Qeyd edək ki, ötən gün Bakıda tanınmış vəkil Asif Abdullayevin də avtomobilinin şüşəsi sındırılıb. Naməlum şəxslər vəkilin avtomobilinin şüşəsini sındıraraq içərisinə daxil olub. Lakin oğurlamaq üçün heç nə tapa bilməyən naməlum şəxslər avtomobilə ciddi ziyan vuraraq qaçıblar.