Bakıda 300 min manatlıq dələduzluq — 11 il öncə baş verən cinayətin izi ilə

Bakıda 11 il bundan əvvəl aldadılan şəxs polisə indi şikayət etmək qərarına gəlib. GoldNews.az xəbər verir ki, "Ölkə.Az"-ın əldə ətdiyi məlumata görə, Akif Əsgərov adlı şəxs Xətai rayon Polis İdarəsinə şikayət edərək bildirib ki, Allahverdi Bağırov ondan iş qurmaq adı ilə 300 min manat pul alıb.

Zərərçəkənin sözlərinə görə, pulu 2007-ci ilin fevral ayında versə də, nə iş görülüb, nə də pul qaytarılıb. Onun iddiasına görə, A.Bağırov pulu alan zaman məqsədi dələduzluq etmək olub, yəni, pulu qaytarmamaq. Faktla bağlı Xətai RPİ-nin İstintaq Şöbəsində araşdırmalara başlanılıb.