Bakıda taksi sürücüsü bıçaqlandı

Bakının Binəqədi rayonu ərazisində bıçaqlanma hadisəsi baş verib.

GoldNews.Az “Report”a istinadən xəbər verir ki, rayonun Biləcəri qəsəbəsində taksi sürücüsü kimi fəaliyyət göstərən 1987-ci il təvəllüdlü Babayev Natiq Akif oğlu ilə sərnişin arasında dava düşüb.

Nəticədə sərnişin (hələlik adı açıqlanmır) N.Babayevə bıçaq xəsarətləri yetirib. Yaralı xəstəxanaya yerləşdirilib.

Faktla bağlı Binəqədi Rayon Polis İdarəsində araşdırma aparılır.