"Miss Ukrayna 2017" yarışmasının finalçı gözəli - Rusiya ilə Ukraynanı qarşı-qarşıya gətirdi - FOTOLAR
Ukraynada gözəllik yarışmasının namizədlərindən biri qalmaqala səbəb olub.
GoldNews.Az xəbər verir ki, Krımın Yalta şəhərinin sakini professional model Yekaterina Luqanskayanın "Ukrayna gözəli 2017" yarışmasının finalına qalması ortaya çıxıb. Ukraynalılar yarımadanın sakinlərinə öz vətəndaşları gözüylə baxırlar. Buna görə də Ukrayna pasportuna sahib Luqanskayanın Kiyevdə gözəllik yarışmasına qatılması çətinlik yaratmamalı idi, ancaq gənc qadının daha öncə Rusiyada rus vətəndaşı adı altında müxtəlif gözəllik müsabiqələrinə qatılması öyrənilib. Luqanskaya Rusiyadakı yarışlarda uğursuz olduqdan sonra Ukrayna vətəndaşı olduğunu xatırlayıb və Kiyevə üz tutub.
Yarışmanın təşkilatçıları Krım sakini olan namizədin müsabiqənin qaydalarını pozmadığını düşünürlər. Təşkilatçı Aytən Novruzova yerli mətbuata açıqlamasında Luqanskayanın Ukrayna vətəndaşı olduğunu, xarici ölkələrdə müsabiqələrə qatılmasının "Miss Ukrayna 2017" yarışına zidd olmadığını bildirib.
