Bakıda daha iki yol bağlanır - SÜRÜCÜLƏRƏ MƏSLƏHƏT

Təmir işləri ilə əlaqədar aprelin 12-də səhər saatlarından etibarən Xəzər rayonu ərazisində Dövlət Elektrik Stansiyasına gedən yolun “Mir Mövsüm Ağa” ziyarətgahı ilə “Azal” Arenanın yerləşdiyi hissəsində və “Azal” Arena istiqamətinə gedən Starçük küçəsində avtonəqliyyat vasitələrinin hərəkəti qismən məhdudlaşdırılacaq.

Bu barədə GOLDNEWS.AZ-a "Azəravtoyol” ASC–nin mətbuat xidmətindən məlumat verilib.

Məhdudlaşdırma küçədə təmir işlərinin aparıldığı hissələr üzrə 2 gün ərzində tətbiq ediləcək.

"Azəravtoyol” ASC sürücülərdən sözügedən ərazilərdə diqqətli olmalarını və sıxlığın yaranmaması üçün alternativ yollardan istifadə etməyi tövsiyə edir.