Azərbaycanda 45 yaşlı "Samuray" tutuldu - VİDEO

Gəncə sakini narkotik vasitə və odlu silah saxlamaqda şübhəli bilinərək saxlanılıb. Qanunsuz vasitələrin bir qismi onun üzərindən, bir hissəsi isə evindən aşkar edilib. "Samuray" ləqəbli tutulan şəxs əvvəllər dəfələrlə məhkumluq həyatı yaşayıb.

Gəncə şəhər Baş Polis İdarəsinin və Kəpəz RPİ-nin əməkdaşlarının birgə keçirdikləri əməliyyat axtarış tədbirləri nəticəsində 45 yaşlı şəhər sakini, "Samuray" ləqəbli Həmid Axundov saxlanılıb. Baxış zamanı onun üzərindən 64 qram çəkidə narkotik vasitə olan qurudulmuş marixuana aşkar edilərək götürülüb.

Bundan sonra həmin gün Həmid Axundovun yaşadığı Gəncə şəhəri Zülfi Hacıyev küçəsi ev 56 ünvanına baxış keçirlən zaman mənzildə 1 kq-dan çox marixuna və silah aşkarlanıb.

Həmid Axundovun qanunsuz olaraq narkotik vasitə və odlu silah saxlaması faktları üzrə onun barəsində Gəncə şəhər Baş Polis İdarəsinin İstintaq və Təhqiqat idarəsində cinayət işi başlanıb. Kəpəz rayon məhkəməsinin qərarı əsasında barəsində həbs qətimkan tədbiri seçilib.