Azərbaycan şou-biznesinin iç üzü - Bir-birinin çirkabını üzə çıxaran məşhurlar

Azərbaycan mediası son günlər Pervin Abıyeva ilə Tunay Əliyeva arasında olan qalmaqaldan dayanmadan yazır.

GoldNews.Az bu dəfə sizə bu günə kimi arasında belə şiddətli qarşıdurmalar olmuş, bir-birinin çirkli həyatını üzə çıxaran məşhurlarını təqdim edir:

Təranə Qumral - Şəbnəm Tovuzlu

T.Qumralla Ş.Tovuzlu arasında yaranan qalmaqal prodüser Tolikin sosial şəbəkədə dediyi bu sözlərdən sonra başlamışdı: “Eşitmişəm ki, Təranə Qumral qızına 720 manata alça alıb. Təranənin heç 720 manata toya getdiyini bilmirdim. Amma alçaya o qədər pul veribsə, ona ar olsun. Şəxsən mən eləməzdim. Təranə 720 manatla 10 ailəyə yaxşı bazarlıq edib, uşaqların qarnını doyuzdurub savab qazana bilərdi. Görməmişlik etməyin! Alça almaqla deyil ki, səviyyə başqa şeydi. Səviyyəni pulla almaq olmur! Allah bizim bəzi müğənnilərə ağıl versin!”.

Müğənni Şəbnəm Tovuzlu da Tolikin dediklərinə dəstək olaraq belə bir şərh yazmışdı: “Öldüm gülməkdən, qələt edir! Yalançı, alça alıb”.

T.Qumralsa Ş.Tovuzlunu lüt şəkilləri ilə şantaj etmişdi: ““Bir müddət öncə mətbuat dərc etdi ki, qadın alveri üstündə Şəbnəmi tutmuşdular. Bundan danışım?! Şəbnəmin məndə bir qəzetlik lüt şəkilləri var. Lazım gələrsə, o şəkilləri sizə təhvil verə bilərəm. O yetim qızdı, istəmirəm ona toxunum. Mən faktlarla danışan adamam. Heç kimi topuğumdan yuxarı buraxmıram. Hətta onlardan danışdığıma görə utanıram. Şəbnəmin məndə yataqda şəkilləri var. Əsəblərimlə oynamasın. Əgər üstümə gəlməyə davam edərsə, bütün o fotoları yayımlayacam. Dediklərimi bir-bir yazın. Artıq danışmaq istəmirəm, çünki bayramın günü qanımı qaraltmaq kimi fikrim yoxdu. Getsin özündən danışsın. Başqasının ərindən kəbinlə uşaq doğan adamdır. Bu boyda ayıbı olan insan Təranədən danışır?! 25 ildir Musayla ailəliyəm, mənim arxamda ərim var. Kimin sözü varsa, qarşıma çıxsın. Əlimdə faktlar da var".

Müğənni Cavanşir Məmmədov və Əli Mirəliyevin ANS telekanalında yayımlanan “Şou biz” verilişində Nadir Qafarzadə haqqında dedikləri “qaşlarını alır” sözü sənətçini özündən çıxarıb. Eyni kanalda yayımlanan “Rövşanə ilə bazar səhəri” verilişinə qonaq olan N.Qafarzadə hər iki ifaçının ünvanına təhqirlər yağdırıb:

“Mən qaşlarımı almıram, bu haqsızlıqdır. Cavanşirə də, Əli Mirəliyevə də ayıb olsun. Bu günə kimi onsuz da xalqın gözündə yox idilər. Bundan sonra mənim də, xalqın da gözündən düşdülər. Cavanşir gedib özündən danışsın, üzünə vurdurduğu dolğulara baxsın. 70 yaşındadır, nəvəsi var utanmır üzünə, saçına nələr edib. Cavanşir qoca geylərə oxşayır”.

Müğənni Cavanşir Məmmədov ANS telekanalında yayımlanan “Adam içində” verilişində şok açıqlamalar verdi. Qonaq qismində iştirak edən sənətçi Nadir Qafarzadə barədə şok sözlər deyib.

Nadirin Cavanşir Məmmədova “qoca gey” deməsi müğənnini özündən çıxarıb. Bu gün əks tərəfin də verilişə qatılmağı gözlənilsədə Nadirin gəlməməyi sənətçini daha da hiddətləndirib.

“Nadir 1 həftədir mənim telefonlarıma cavab vermir. Bu adam iynədir nədir ki, belə itib? Mənim barədə dediyin sözdən sonra nəyə görə mənim telefonlarıma cavab vermirsən? Qorxursam? Gəl çıx qabağıma cavab ver. Gözləyirəm səni” deyərək qəzəbini bildirib.

Daha sonra isə Cavanşir Məmmədov başına saç əkdirməsindən və Nadirin onun haqqında xoşa gəlməz sözlər ifadə etməsindən gileylənib.

“Adam var ki, Qafarzadə kimi barmağına iynə batanda şüvən qaldırır, amma mən saç əkdirəndə başıma 400-500 dənə iynə batırırdılar heç səsimi çıxartmırdım. O hələ bilmir kimə ilişib, bundan qabaq bir neçəsinə ilişdi ona fikir vermədilər dedilər başı xarabdı keçdi getdi. Amma məndə belə olmayacaq” deyərək ultimatum göndərib.

Natavan Həbibinin prodüser Tolikə qarşı “şərəf və ləyaqətin, işgüzar nüfuza xələl gətirilməsi” ilə bağlı iddia tələbi üzrə Bakı Apellyasiya Məhkəməsində mülki işə baxılıb. Məhkəmə Tolikin müğənnidən üzr istəməsinə qərar versə də, o bununla barışmayacağını bildirib. N.Həbibi isə öz növbəsində məhkəmə qərarını və Tolikin fotosunu “İnstagram” səhifəsində paylaşaraq, bu sözləri yazıb: “50 nəfər yığılıb bir yerə, amma heç birinin də gücü yoxdur. Mənə qarşı anti-reklam kompaniyası apardılar öz balaca, gülünc şou aləmlərində. Yalandılar başdan ayağa. Şər atıb, yalan uydurmaqla məşğuldurlar bütün günü. Əslində onlara inanan da onların tayıdır. Aygün hələ də özünə gələ bilmir, bunları üstümə salır. Axırı nə oldu? Kiminsə xoşuna nəsə gəlmirsə, su içsin. Mən öz ailəmi, adımı fikirləşib, hərəkət edirəm. Hər biriniz mənim yerimdə olsaydınız məndən betər atdım atardınız, buna əminəm. Kimsə mənim öz milliyyətimi soyumu müdafiə etməyimdə məni günahlandırırsa, onda elə o adamın əqidəsiz olması bəllidir. Men çox səbir etmişəm, çox susmuşam, amma nahaq. İndi yenə kiminsə sözü olsa o da elə qanun qarşısında cavab verəcək. Efirdə danışmaqla, “instagram”da boş-boş yazmaqla deyil. Sözünüzün arxasında dayanmağı bacarmaq lazımdır! O da sizdə alınmaz. Çünki yazanda da, danışanda da vaxtı çatanda qanun qarşısında yazdıqlarınızı danırsız. Mənə sataşmayın cavabsız qoymaram.

N.Həbibinin sözlərini prodüser Tolik də cavabsız qoymayıb: “Sən elə bizim şəklimizi paylaş. Amma mən səhifəmdə sənin kimilərin şəklini paylaşmaram. Mən qanun qarşısında aciz ola bilərəm. Amma nə sənin, nə də sevgilinin (Himalayın) və onun bəzi Dövlət orqanlarında işləyən dostları məni susdura bilməz. Bu ölkənin sahibi var. Cənab Prezident hər bir vətəndaşını qoruyur. Yoxsa kimsə hansısa nazirin qardaşıdır, kimsə hansisa icra başçısının müavinidir. Səni harasa tapşıra bilərlər. Amma məni arxamda hökumət durub, Sus, susmasan məndə lazım olan açıqlamaları və sənin əhatəndə olanların adlarını yazacam. Sen bu ölkədə heçkimsən sadəcə bir müğənni kabinetlərdə oturub özünü xalq qəhrəmanı sayma. O, sənsən efirdə deyən sən idin ki, deyirdin ki, “mən hər toya getmirəm, toy edən şəxsin nəsil nəcabətin öyrənib, gedirəm”. Kimsən sen? Sən hələ özünü tanı, sonra kiminsə nəslini, kökünü öyrən. Yenə də deyirəm, bu ölkə dərəbəyilik deyil. Həvəsdir, bəsdir!”

ANS-də yayımlanan "Bazar səhəri" verilişində ötən gecə baş verən hadisəylə bağlı şok açıqlamalar verilib. Verilişdə qonaq olan Təranə Qumral Nazənin barədə ittihamlar səsləndirib: "Məndə hamının tərcümeyi-halı var. Nazənin yeddi dəfə ərdə olub. O, qruplaşma yaradaraq, mənim qızımın toyuna gəlməməsi üçün həmkarlarımı öyrədib. Nazənin ailəli kişiylə evlənib. Ay yazıq, sənin indi kirayədən canın qurtarıb. Amma mənim 1983-cü ildən Bakıda evim olub. Bütün Azərbaycanı vermişəm sənə, mənə bir dənəsi yetər.Musa ilə mən bir ailə və duet olduğumuz halda Nazənin Musanı toylara tək dəvət edir. Əlbəttə ki, Musa onun dəvətlərini qəbul etmir. Ona Musa lazımdır deyə aramızı vurmağa çalışır. Bizə qarşı qruplaşma yaradıblar, bizi vurmaq istəyirlər. Keçənilki məsələni də Nazənin düzüb-qoşmuşdu. Barəmdə Musaya pis sözlər deyərək bizi ayırmaq istəyir. Mənim ailəmi dağıtmaq istəyirlər. Lazım gəlsə, mən də onun eyiblərini deyərəm. Bu qadın özü 7 dəfə ərə gedib. İndiki ər dediyi də başqasının əridir. Yəni başqa ailənin başçısıdır".

Təranə Qumralın bu açıqlamalarından sonra Rövşanə xanım Nazənin ilə telefon bağlantısı yaratdı. Birbaşa yayıma qoşulan Nazənin həmkarını məhkəməyə verəcəyini bəyan etdikdən sonra, Təranə Qumral və Musa Musayev barəsində təhqiramiz fikirlər səsləndirdi. Bundan qəzəblənən Musa onlarla müharibəyə başladığını elan etdi: "Mən sözümü dedim, bundan sonra bizim barəmizdə bircə kəlmə pis söz işlədəni vuracam. Bəsdir artıq, mənim qarşımı heç kim ala bilməyəcək. Həbsxanaya düşməli olsam da, bunu edəcəm!" Nazənin isə canlı yayıma telefon bağlantsıyla qoşularaq, şok açıqlamalar verib: "Təranə Qumralı ərimlə tutmuşam. O, səsləndirdiyi ittihamlara görə cavab verəcək. Mənim ərim şikayətçidir. Hər şey məhkəmədə həllini tapacaq. Təranə Musanı çətir edib, hara istəyirsə, fırladır. Musanın cilovu onun əlindədir. Onlar dörd ildir ər-arvad deyillər".

Qeyd edək ki, paytaxt restoranlarının birində Arzu Mələk özünə ad günü keçirib. Mərasimdə Musa Musayevlə müğənni Nazəninin prodüseri Pərviz arasında əlbəyaxa dava olub.

Prodüsser Təranə Səmədova keçmiş həyat yoldaşı Kərim haqqında olmazın şeyləri danışıb. Keçmiş həyat yoldaşının xəstə olduğunu və onun heç vaxt ata ola bilməyəcəyini etiraf edən prodüsser çox sərt danışıb. Qadin.az Mövqe.az-a istinadən xəbər verir ki, "adam içində" verlişində ərini qadın ilə xəyanətdən sonra kişi ilə xəyanətdə günahlandıran Təranə Səmədova onun üstündən xətt çəkdiyini bildirib : " Allahdan ən böyük mükafatım övladım oldu. Mənim övladım keçmiş həyat yoldaşım üçün göz dağıdır. Onun övladı yoxdur, araşdırın, heç vaxt da olmayacaq. Əgər düz danışırsa, doğum şəhadətnaməsini gətirsin. Allah saxlasın olmayan övladını (gülür). Niyə arvadının hamilə halı görünmədi? O insanın elə bir xəstəliyi var ki, şükür ki, mənə keçmədi. Bir dəfə qadınla xəyanət etdi və bağışladım. İkinci dəfə başqa bir xəyanət etdi. Onu isə bağışlamaq olmazdı. Qadın qeyrətim buna yol vermədi. Burdan ona demək istəyirəm ki, təki sənin ananın 7 mənim kimi qızı olardı, nəinki sənin kimi oğlu. Kaş qardaşın Qəzənfər sağ olaydı, sənin başını kəsib yanına qoyaydı. Onun valideynləri, həyat yoldaşı o cür Kərimi qəbul edirsə, böyük ürəkləri var”.