Ayrılan qadınlar keçmiş sevgililərini peşman etmək üçün yeni axın başlatdılar - İNTİQAM ÜÇÜN YENİ BƏDƏN
Ayrılıq ağrısından qurtulmağın yeni bir yolu olan "intiqam bədən” adlı axın sosial mediada sürətlə yayılır. Cərəyanı tətbiq edən insanlar ayrılığın ardından depressiyaya düşmək əvəzinə, pəhriz və məşq edərək "intiqamdan sonrakı bədən"lərinə qovuşurlar.
GoldNews.Az xəbər verir ki, “intiqam bədən” ifadəsi ayrıldığınız insanı bu qərarından peşman etməyiniz üçün etdiyiniz bir prosesi və nəticəni adlandırmaq üçün istifadə edilir.
Bu cərəyana qoşulanların arasında məşhur adamlar da var.
NBA oyunçusu əri Carmelo Entonidən ayrılan amerikalı şou ulduz La La Entoni də “intiqam bədən”inə sahib olan məşhurlardan yalnız biridir.
“Vanity Fair” jurnalı “intiqam bədən” ifadəsi və axınının müvəqqəti bir dəb olmadığını 2000-ci illərin əvvəlində istifadə edilməyə başlayaraq fitness jurnalları sayəsində məşhurlaşdığını bildirib.
Keçmişi olan bu cərəyanın bu il bu qədər sürətlə yayılmasının səbəbi isə şou ulduzu Khloe Kardashian tərəfindən nəşr olunan “Khloe Kardashianla intiqam üçün bədən” olub.
