8 uşaq atası gənc qızın izinə düşdü -Film kimi hadisə

8 uşaq atası gənc qızın ailəsinə də hücum edib.

GoldNews.Az xəbər verir ki, Ərdahanda Bayramoğlu kəndində yaşayan və tələbələr üçün nəzərdə tutulmuş xidmət nəqliyyatını idarə edən evli, 8 uşaq atası, 45 yaşlı Hacı Yılan iddiaya görə kənddə yaşayan 23 yaşlı L.A. adlı gənc qızın izinə düşüb.

2 il ərzində qızdan əl çəkməyən Yılan telefon və mesajlarla daim narahat etdiyi L.A. İlə evlənmək istədiyini deyib.

Gənc qız bir müddət əvvəl Frakiya Universiteti İngilis Dili müəllimliyi ixtisasına daxil olub və oxumaq üçün Ədirnəyə gedib. Ancaq Yılan Ədirnəyə qədər gedib, gənc qızı narahat etməyi davam etdirib. Bunun üzərinə L.A. polisə şikayət edib. Təxminən iki ay əvvəl gənc qız məhkəmənin qərarı ilə qoruma altına alınıb.

O qızı alacağam!

Xəbərə görə, Ərdahandan qayıdan Yılan əvvəlki gün gənc qızın tarladan evə qayıdan atası Turan A. və qardaşı Ömər A.-yı təqib edib və onların evlərinin önündə güllə atıb. İddiaya görə "O qızı alacağam" deyərək qışqıran adamın səsini eşidib çölə çıxan gənc qızın 69 yaşlı əmisi Alaattin A.- da güllələrin hədəfi oldu.

Şübhəlinin açdığı atəş nəticəsində Alaattin A. hadisə yerində həyatını itirib. Yaralanan Turan A. və oğlu Ömər A. xəstəxanada müalicə olunur. Hadisədən sonra polis tərəfindən tutulan şübhəli həbs olunub.