Zəhranın məzarı üstündə tükürpədən görüntü - FOTO
Erməni terrorçuları tərəfindən qətlə yetirilən 18 aylıq Zəhra Quliyevanın məzarı üstünə qoyulan oyuncaq da sanki körpənin ağrısını hiss edir. Zəhra qəlpə yarası alarkən sol gözü dağılmışdı, məzarı üstündəki kukla da sanki bunu hiss edərək sol gözünü yumub.
Bu barədə tanınmış jurnalist Anar Nəcəfli Facebook səhifəsində yazıb.
Zəhranın məzarını ziyarət edən A.Nəcəfli sosial şəbəkədə bunu yazıb:
"Zəhra bala, gözünə dəyən o qumbaranın qəlpəsinin ağrısını sənin məzarın üstünə qoyulan kukla da elə bil hiss edərək bir gözünü yumub!... İnşallah o həyat eşqi ilə alışıb-yanan gözünə dəyərək onu birdəfəlik qapadan qəlpədən həmin qumbaranı atanların ürəklərinə dəyərək parça-parça edər. Necə ki, bizim ürəklərimizi parça-parça etdi sənin vaxtsız ölümün.. Əslində sən ölməmisən, sadəcə şirin yuxuya dalmısan! Yuxun şirin olsun, Zəhra balamız!!!”
Azxeber.com
