Yanğınla əlaqədar morqa gətirilən meyitlərin sayı artır - YENİLƏNİR SON XƏBƏR
Məlum olduğu kimi, Bakı şəhərinin Xətai rayonunda Respublika Narkoloji Mərkəzində yanğın olub.
İlkin məlumata görə, hadisə nəticəsində 30 nəfərədək şəxs ölüb.
“Qafqazinfo”nun Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyində olan əməkdaşlarının məlumatına görə, birliyə 30-a yaxın şəxsin meyiti gətirilib. Onların üzərində ciddi yanıq əlamətləri görünür, cəsədlər tanınmaz hala düşüb.
Yanğın baş verən bölmədə 120 xəstə müalicə olunurmuş.
******
11:05
Baş Prokurorluğun yüksək vəzifəli şəxsləri Məhkəmə-Tibbi Ekspertiza və Patoloji Anatomiya Birliyinə (“morq”) baş çəkib.
“Report”un hüquq-mühafizə orqanlarından əldə etdiyi məlumata görə, “morq” gətirilən meyitlər tanınmaz halda olduğundan, hələ ki, ölənlərin şəxsiyyətini müəyyənləşdirmək mümkün deyil.
“Morq”un qarşısında polis postu qurulub, əraziyə giriş-çıxış məhdudlaşdırılıb.
10:51
*****
Respublika Narkoloji Mərkəzində baş vermiş yanğınla əlaqədar Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinə (“morq”) 24 nəfərin meyiti gətirilib.
GoldNews.Az xəbər verir ki, bu barədə “Report”a Birlikdəki mənbə məlumat verib.
Qeyd edək ki, bu gün Bakı şəhərinin Xətai rayonunda Respublika Narkoloji Mərkəzinin binasında yanğın hadisəsi baş verib
