Xırdalanda 12 yaşlı qıza qarşı blokda seksual hərəkətlər edən şəxsə 10 il cəza

12 yaşlı qıza qarşı blokda seksual hərəkətlər törətməkdə təqsirli bilinən 1987-ci il təvəllüdlü Seyran Şahgəldiyevin cinayət işi üzrə məhkəmə başa çatıb.

GoldNews.az xəbər verir ki, lent.az-ın məlumatına görə, Bakı Ağır Cinayətlər Məhkəməsində hakim Ramella Allahverdiyevin sədrliyi ilə keçirilən prosesdə məhkəmə istintaqı başa çatıb. Söz dövlət ittihamçısı Sabir Abdinova verilib. Sabir Abdinov məhkəmədən S. Şahgəldiyev barəsində 10 il müddətinə azadlıqdan məhrum edilmə cəzasını təklif edib.

Prosesdə hökm oxunub. Hakimlər kollegiyasının hökmünə əsasən, S. Şahgəldiyev 10 il müddətinə azadlıqdan məhrum edilib.

Qeyd edək ki, hadisə bu il fevralın 9-da Abaşeron rayonu, Xırdalan şəhərində yerləşən hündürmərtəbəli yaşayış kompleksində baş verib. Seyran Şahgəldiyev sərxoş vəziyyətdə məhəllədə olan 12 yaşlı qızın arxasınca düşüb. O, qızın evə tərəf getdiyini görüb. Qızın dalınca bloka qalxan Seyran Şahgəldiyev qızın sol ayağını tutaraq öpməyə başlayıb. Daha sonra qıza qarşı seksual hərəkətlər edib. 12 yaşlı qız ona müqavimət göstərərək təpiklə vurub və əlindən qaçıb. O, məsələ ilə bağlı valideynlərinə məlumat verib və bu barədə polisə bildirilib. Polis əməkdaşlarının əməliyyat axtarış tədbirləri nəticəsində Seyran Şahgəldiyev saxlanılıb.

Ona Cinayət Məcəlləsinin 150.3.3(seksual xarakterli hərəkətlər,təqsirkar şəxs üçün aşkar surətdə on dörd yaşına çatmayan şəxs barəsində törədildikdə) maddəsi ilə ittiham verilib.