Əxlaqsız qadınla məsciddə pivə içən sədr barədə AÇIQLAMA: "O, həmin qadını maşınına...." - ÖZƏL

Bu gün ölkə mətbuatında Masallı rayon Hüseynhacılı kəndinin bələdiyyə sədri Rafiq Ağayevin mayın 20-də axşam namazından sonra sərxoş vəziyyətdə yanında yüngül əxlaqlı qadınla kəndin məscidində olduğu, həmin qadınla birgə Allahın evində pivə içib əyləndiyi barədə məlumat yayılıb.

Məsələ ilə bağlı GoldNews.Az-a açıqlama verən Hüseynhacılı kənd icra nümayəndəsi Füzuli Hüseynov bildirdi ki, yayılan məlumatlar sadəcə böhtandır. Bunu yayanların hamısı savadsız, heç orta məktəbi bitirməyən adamlardır:

"Burada başqa məsələ var. Rafiq müəllim sonuncu seçkilərdə 3 kəndin bələdiyyə sədri seçildi. Onu gözü götürməyən bələdiyyə işçiləri isə belə bir addım atdılar. Təəssüfverici məqam ondan ibarətdir ki, həmin şəxslərin hamısı hazırda arxada gizlənib, onun barədə qara piarı idarə edirlər. Ortada savadsız bir sıra kənd sakinləri isə onu şərləyir. Halbuki onların heç biri Rafiq müəllimi həmin qadınla görməyiblər də. Sadəcə şər atırlar".

İcra nümayəndəsi onu da qeyd etdi ki, bələdiyyə sədrinə böhtan atılmasının ikinci səbəbi vətəndaşların dövlətə olan borclarını ödəmək istəməməsi ilə bağlıdır. Rafiq müəllim sakinlərdən dövlətə olan torpaq borclarını ödəmələrini istəyirdi. Borcu ödəmək istəməyən vətəndaşlar da bayaq dediyim məsələni də əldə tutaraq onu şərlədilər. İnanın səmimiyyətimə ki, o indiyə qədər həmin qadını heç maşınına da mindirməyib. O, ailəsinə sadiq adamdır, gözəl ailəsi və övladları var".

XƏBƏRİN ƏVVƏLİ: Azərbaycanda bələdiyyə sədrini məsciddə qadınla tutdular