Vüsalə: Arvadının nömrəsini qonşulara versəm, xoşuna gələr? - FOTO

Tanınmış aparıcı Vüsalə Kərimova mobil nömrəsinin icazəsiz yayanlara əsəbləşib.

GoldNews.az xəbər verir ki, “Azərsu”nun Mahir adlı əməkdaşı su sayğacının kodunu rahat əldə etmək məqsədilə binada yaşayan insanların şəxsi nömrələrindən ibarət “Whatsapp” qrupu yaradıb.

Aparıcının nömrəsini də həmin qrupa əlavə edib. Bu isə aparıcını özündən çıxarıb.

“O, çoxbilmişliyindən, özünə əziyyət vermək istəmədiyindən su sayğacının kodunu rahat əldə etmək məqsədilə binada yaşayan insanların şəxsi nömrələrindən ibarət “Whatsapp” qrupu yaradıb?! Belə şey görmüşdünüz? Adama deyərlər, sən kim olmusan ki, mənim nömrəmi 300 evlik binanın “Whatsapp” qrupuna yazırsan? Bu haqqı sənə kim verdi? Bunun mahiyyətini anlayırsan? Siz bilərsiniz, bəlkə, bu su idarəsinin işçisi haqlıdır. Mənim nömrəmi paylamağa ixtiyarı var? O, mənim nömrəmi el-aləmə paylayanda narahat olmadığı kimi, mənim də vecimə deyil. Görəsən, Mahirin arvadının nömrəsini tapıb qonşulara versəm, bu qeyrət dağarcığının xoşuna gələr?”