Usain Bolt futbolçu olaraq yenidən idmana qayıdır - Çempionlar liqasının hansı komandasında oynayacaq?

Yamaykalı atlet Usain Bolt bir neçə gün bundan öncə professional karyerasına nöqtə qoyduğunu açıqlayıb.

GoldNews.Az xəbər verir ki, atletizmə vida edən və son yarışında zədələnən Bolt futbolçu olmağa hazırlaşır. "Borrussia Dortmund"un təklifinə müsbət cavab verən keçmiş atlet alman komandası ilə məşqlərə başlayacaq.

İdmançının meneceri Riki Simms idmançının yeni karyerası ilə bağlı bunları deyib: "Usain Bolt futbolçu olmağı düşünür. Ağlında hazırda sadəcə futbol var. Onun üçün bir milyondan artıq fürsət var. Ad vermək istəmirəm amma bir çox klubdan onun üçün təklif aldıq".

Simms həmçinin bildirib ki, Usain atletizmdən sonra futbola uyğunlaşmaqda çətinlik çəkəcək: "30 yaşındakı bir sprinter Bundesliqa ya da Premyer liqada oynaya bilərmi? Bu reallıqdan uzaq görünür, amma komandayla birlikdə uzun müddət çalışsa, birinci və ikinci liqada oynaya biləcək səviyyədə ola bilər".

Meneceri həmçinin əlavə edib ki, atletin Çempionlar liqasında oynamaq kimi bir arzusu var: "Mənə hər zaman Çempionlar liqasında oynamaq istədiyini söyləyib. Həyatının bu dövründə nə qədər motivasiya oluna bilər, açıqcası bilmirəm. Çünki şəxsi həyatı, yaşayacağı şəhər və məşqlər buna əngəl ola bilər."