Türk general rəsmi Bakıdan icazə istədi: "Bu dəqiqə bir uçağa oturub, o cəlladları özüm bombardıman edim"
"Türkiyənin sabiq Hava Kuvvetleri Komutanı, Korgeneral Erdoğan Karataş. Onunla görüşümüzün bu günə təsadi etməsində bir hikmət axtardım".
GoldNews.Az a24.az-a istinadən xəbər verir ki, bunu özünün sosial şəbəkədəki hesabında jurnalist Aqil Camal yazıb. Jurnalist bildirib ki, ermənilərin sadə insanları, yavru Zəhranı gülləbaran etməsindən general qəzəbli idi: "İmkanım olsa, bu dəqiqə bir uçağa oturub o cəlladları özüm bombardıman edəm" dedi...
"Azərbaycan 90-ların başlanğıcında qəfil savaşa yaxalandığı, ordusunu yeni formalaşdırdığı, silah-sursat təchizatının zəif olunduğu dövrdə səlahiyyət imkanları daxilində (bəzən xaricində) ordumuza köməkliklərini əsirgəməyib".
A. Camal qeyd edib ki, E. Karataş o dövrlə bağlı tarixi bir xatirəsini də danışıb:
"Qarabağda savaş başlayanda Ankarada hərbi hava bazasının rəisi idim. O zaman Azərbaycanın 2 hərbi təyyarəsi bazaya enmişdi. Qısa zamanda yükləri götürüb, geri qayıtmalı idilər. Təyyarələrin üzərində "SSRİ" yazılmışdı. Dərhal əmr verdim ki, o sözü silin, yerinə “Azərbaycan Hərbi Hava Qüvvələri” yazılsın, Azərbaycan bayrağı həkk edilsin...".
