Traktora 5 avtomobil çırpıldı, yaralılar var

Goranboy rayonunda zəncirvari avtomobil qəzası baş verib.

Hadisə rayonun Borsunlu kənd yolunda baş verib.

İlkin məlumatlara görə, 4 avtomobilin toqquşması nəticəsində xəsarət alanlar var.

Əraziyə DYP-nin əməkdaşları və təcili yardım briqadası cəlb olunub. Zəncirvari yol-nəqliyyat hadisəsində xəsarət alan şəxslər xəstəxanaya yerləşdirilib.

Goranboy rayonunun Xoylu kənd sakinləri, 1961-ci il təvəllüdlü Lətafət Elmir qızı Həsənova və onun 8 aylıq nəvəsi Ayxan Dəmir oğlu Həsənli, avtomobilin sürücüsü Dəmir Həsənov müxtəlif dərəcəli bədən xəsarətləri ilə Goranboy Rayon Mərkəzi Xəstəxanasına yerləşdirilib. Qəza zamanı daha bir nəfərin xəsarət aldığı bildirilir.

Faktla bağlı araşdırmalara başlanılıb. //Report