Topu rəqibə qaytaran futbolçu elə bir qol vurdu ki... – VİDEO

Cənubi Afrika Respublikasının “Stellenboş” klubunun yarımmüdafiəçisi Petrus Şitembi “Blek Leopards” komandası ilə oyunda “fair play” qaydalarına uyğun olaraq, topu rəqibə qaytararkən meydanın mərkəzindən qol vurub.

Oxu.Az-ın xəbərinə görə, qolun videosu YouTube portalında - SuperSport kanalında yerləşdirilib.

Matçın 65-ci dəqiqəsində qonaqlar hesabda 2:0 irəlidə olarkən, “Blek Leopards” klubunun futbolçusu zədə alıb. Top “Stellenboş” komandasını oyunçularına keçib və onlar “fair play” qaydalarına əsasən, topu rəqibə qaytarmaq istəyiblər.

Lakin Ştembinin zərbəsindən sonra top yerə dəyərək, qapıçının başı üzərindən tora daxil olub. Hakim qolu hesaba alıb. Bununla belə, matç qonaqların 3:1 hesablı qələbəsi ilə yekunlaşıb.