Təzyiqlərə dözməyən model ölkəsini tərk etdi - FOTOLAR

Kainat gözəllik yarışmasında İraqı təmsil edən Sarah İdan ABŞ-a qaçıb.

GoldNews.Az xəbər verir ki, "Kainat gözəllik yarışması 2017"də İraqı təmsil edən Sarah İdanın İsrail gözəli Adar Gandelsman ilə çəkdirdiyi şəkili ölkəsi bitərəfli qarşılamayıb.

Las-Veqasda noyabr ayında keçirilən müsabiqədən sonra Gandelsmanla poza verən İdan sosial mediada paylaşdığı şəklin altına "Sülh və sevgi" sözlərini yazıb.

İraqda yaşayan sosial media istifadəçiləri İdanın bu şəkillə İsraili dəstəklədiyini və bunun qəbuledilməz olduğunu söyləyiblər.

İdan "Bu fotolar təkcə iki ölkə arasında sülhün yaranması üçün bir ümid və arzu daşıyır. İsrail hökumətini dəstəklədiyim mənasına gəlməməli və onların Ərəb bölgəsindəki siyasətlərini qəbul etdiyimi göstərmir" ifadəsini istifadə edib.

Ancaq yarışmadan sonra İdan və ailəsinə ölüm təhdidləri gəlməyə başlayıb.

Bağdadda yaşayan model və ailəsi də baş verənlər nəticəsində ölkədən ayrılmağa qərar veriblər.

Sözügedən fotoda İraq gözəlinin yanında olan Gandelsman isə belə bir problemə şərait yaratdığı üçün qəmgin olduğunu söyləyib.

İsrail mətbuatına danışan Gandelsman "İnsanlar o fotodan sonra Saraha hədə-qorxu gəlməyə başladı. Onu və ailəsini öldürəcəklərini söylədilər. Ailəvi yaşadıqları böyük qorxu səbəbi ilə İraqdan ayrıldılar. Ortalıq bir az sakitləşənə qədər ABŞ-da qalmağı düşünürlər" deyib.