TƏCİLİ! “Borussiya” futbol klubunun avtobusunun yaxınlığında PARTLAYIŞ OLDU İspan müdafiəçi yaralandı

Çempionlar Liqasının 1/4 final mərhələsinin “Borussiya” – “Monako” oyunu təxirə salınıb.

GOLDNEWS.AZ xəbər verir ki, buna səbəb alman klubunun avtobusunun dayandığı yerin yaxınlığında bomba partamasıdır.

Yerli hüquq-mühafizə orqanları insidenti təsdiqləyiblər. Bildirilib ki, hadisə zamanı bir nəfər xəsarət alıb. BBC yaralanan şəxsin dortmundluların müdafiəçisi Mark Bartra olduğunu bildirib.

İspan futbolçu artıq xəstəxanaya aparılıb.

Artıq klubdan bununla bağlı rəsmi açıqlama da verilib: “Oyunçularımız hamısı təhlükəsiz ərazidədi. Xahiş edirik sakitliyinizi qoruyasınız. Hazırda stadionda təhlükəsizlik xidmətinin əməkdaşları var. Daha sonra əlavə məlumatlar veriləcək”.

Matç isə təxirə salınıb və sabah saat 20:45-da oynanılacaq.