Sürücülük üçün cərimə balı limiti artırıla bilər – Milli Məclisə yeni layihə təqdim olundu

Sürücülük hüququnun məhdudlaşdırılması üçün tətbiq edilən 20 ballıq cərimə limiti dəyişə bilər. Milli Məclisə bu məsələ ilə bağlı qanun layihəsi təqdim edilib və müzakirələr aktuallaşıb.

Cərimə balı limiti artırılır?

Son günlər sürücülər arasında cərimə balları və tətbiq edilən qaydalar ciddi narazılıq yaradıb. Hazırda qüvvədə olan 20 ballıq limitin sürücülər üçün əlavə problemlər yaratdığı bildirilir.

Ekspert: Bal sistemi yenidən nəzərdən keçirilməlidir

Nəqliyyat məsələləri üzrə ekspert Elməddin Muradlı bildirib ki, dayanma-durma qaydalarının pozulmasına görə təkcə cərimə yox, əlavə bal da verilməsi narahatlığa səbəb olur. O qeyd edib ki, bəzi xətalara görə cərimə ballarının tətbiqi və 20 ballıq məhdudiyyətin artırılması, məsələn, 25-30 bala qaldırılması mümkündür və bu, sürücülər üçün daha ədalətli ola bilər.

Ekspert həmçinin vurğulayıb ki, bal sisteminin ləğvi də müzakirə mövzusudur. İndi isə aidiyyəti qurumlar tərəfindən Milli Məclisə qanun layihəsi təqdim olunub və cərimə balları ilə bağlı dəyişikliklərin baş verəcəyi gözlənilir.