Cani cütlük narkotika almaq üçün uşaqlarını satışa çıxardı

Ailə narkotik maddə uğruna övladlarını qurban verib.

GoldNews.Az xəbər verir ki, narkoman valideynlər heroin qarşılığında iki uşaqlarını satmağa çalışarkən polis tərəfindən yaxalanıb. ABŞ-ın Kaliforniya əyalətində meydana gələn hadisədə ikili həbs olunub.

Los-Anceles polisi gələn xəbər üzərinə hərəkətə keçib. 38 yaşlı Vincent Calogero və 32 yaşlı Sarah Nilsonın bioloji uşaqlarını satmağa çalışdıqları aydın olub. İkilinin narkoman olduğu və heroin satın almaq üçün pulları olmadığından bu yolu seçdikləri öyrənilib.

Cütlüyün girov ödənişi 100 min dollar olaraq təsdiq olunub. Oğulları dövlət tərəfindən qoruma altına alınıb.