Suriyalı işçilərin 9 yaşlı uşağa etdikləri - Göz Yaşartdı VİDEO

Türkiyənin Şanlıurfa vilayətində 3 suriyalı işçinin azyaşlı uşağa etdiyi işgəncə kəskin reaksiyaya səbəb olub.

GoldNews.Az xəbər verir ki, təxminən 3 ay öncə ev tikdirmək istəyən 6 uşaq atası Halil Y. inşaatda işləmələri üçün 3 suriyalı işçi ilə razılaşıb. Bu zaman atasının xəstəliyi üçün başqa bir şəhərə gedən Halil Y. evdə qalan 9 yaşlı, 4-cü sinif şagirdi olan Mustafa Y.-ni tikilən evə göndərib.

İddialara görə, fəhlələr 9 yaşlı uşağa ərəbcə qışqıraraq ona təzyiq ediblər. Ardınca uşağı qucaqlarına alan işçilər onu bir-birinə ataraq əylənməyə çalışıblar. Digər yandan da onu mobil telefonla çəkiblər. Uşağın ağlamasına fikir verməyən işçilər daha sonra Mustafa Y.-yə qazma və kürəklə hücum ediblər. Qaçaraq ustaların əlindən qurtulan azyaşlı yaşadıqlarını atasına danışıb.

Polis hadisəni nəzarətə götürüb.