Sosial şəbəkədə tanış olduğu azyaşlı qızı zorladı

Bursanın Mustafa Kamal Paşa qəsəbəsində yaşayan 20 yaşlı Koray B. 19 il, 9 ay, 15 gün müddətinə azadlıqdan məhrum edilib.

O, sosial şəbəkədə tanış olduğu 13 yaşlı S.T-yə təcavüz edib və hadisədən sonra bloka atdığı qoruyucular da tapılaraq götürülüb.

GoldNews.Az xəbər verir ki, S.T. keçən il Koray B. ilə sosial şəbəkədə tanış olub. Qız özlərinə aid evdə Koray B. ilə görüşüb. Koray B. qıza 3 dəfə təcavüz edib. Hadisə S.T.-nin polisə şikayət etməsi ilə ortalığa çıxıb. O söyləyib ki, Koray ona təcavüz edib və istifadə etdiyi 3 qoruyucunu da bloka atıb. Bundan əlavə, 1 il bundan qabaq sosial şəbəkədə tanış olduğu Burak A. da onun "Coca-cola"sına dərman atıb və yatırdıqdan sonra təcavüz edib.

Polis əvvəlcə Koray B.-nı tutub və blokda həmin 3 qoruyucunu tapıb, sonra isə Burak A.-nı həbs edib. Onlar dindirildikdən sonra sərbəst buraxılıblar. Lakin haqqlarında uşağa təcavüz səbəbi ilə cinayət işi açılıb.

Burak A. sadəcə S.T-nin onun dostu olduğunu söyləyib və ona təcavüz etmədiyini bildirib. Koray B. isə S.T.-nin ona özünü 17 yaşlı gənc qız kimi tanıtdığını və onun istəyi ilə birlikdə olduqlarını söyləyib. Məhkəmə qoruyucuları incələdikdən sonra Koray B.-nı həbs edib və azyaşlıya təcavüz etdiyinə görə 19 il, 9 ay və 15 gün azdalıqdan məhrum edib.