Səudiyyə Ərəbistanında qadınlara qarşı olan bir qadağa götürüldü

Səudiyyə Ərəbistanında qadınların azadlığı naminə daha bir addım atılıb.

GoldNews.Az xəbər verir ki, Səudiyyə Ərəbistanın Kralı Salman bin Əbdüləzizin sentyabr ayında verdiyi fərmanla ölkədə 2018-ci ilin iyun ayından etibarən qadınlara da maşın sürmək hüququ verilib. Həmçinin avtomobil təhlükəsizliyi nəzarəti nöqtələrində qadınların vəzifə almasında hər hansı bir yanlışın olmadığı və qarşıdakı zamanlarda lazımi təhsil və təchizata sahib olduqdan sonra hərbi vəzifələrdə də yer alacaqları məlumatı verilib.

Ər-Riyad rəhbərliyinin 2030-cu il hədəfləri arasında qadınların iş həyatında iştirak nisbətinin 22%-dən 30-a yüksəldilməsi də var.

Qeyd edək ki, vəliəhd Məhəmməd bin Salman daha əvvəl verdiyi bəyanatlarla ölkənin islahat prosesinə daxil olacağını və mötədil İslama qayıdış edəcəyini söyləyib.