Şəhid zabitimiz dəfn olunub - FOTO - VİDEO

İyulun 30-a keçən gecə Ermənistan silahlı qüvvələrinin atəşkəs rejimini pozması nəticəsində şəhid olan Azərbaycan Ordusunun hərbi qulluqçusu Əkbərli Hüseyn Zakir oğlu torpağa tapşırılıb.

Cəlilabadın Eçara kənd sakini, 1993-cü il təvəllüdlü Hüseyn Zakir oğlu Əkbərli anadan olduğu kənddə dəfn edilib.

Dəfn mərasimində Cəlilabad Rayon İcra Hakimiyyəti və Müdafiə Nazirliyinin rəsmiləri, hüquq-mühafizə orqanları əməkdaşları, mərhumun əsgər və zabit yoldaşları, ictimaiyyət nümayəndələri və başqaları iştirak ediblər. Şəhidin doğulduğu evdə vida mərasimi keçirilib. Sonra cənazə kənd qəbiristanlığına aparılıb. Şəhid zabitin cənazəsi yayılım atəşləri altında doğulduğu kənd qəbiristanlığında torpağa tapşırılıb, ruhuna dualar oxunub. Tabut üzərindəki üçrəngli bayrağımız xatirə olaraq şəhidin ailəsinə təqdim edilib.

Allah rəhmət eləsin!

APA TV