Sevdiyi qızı almadıqları üçün ailəsindən 5 nəfəri güllələdi - Qandonduran cinayət - VİDEO

Hadisə dünən axşam saatlarında Adanada baş verib.

GoldNews.Az xəbər verir ki, Suphi Denizhan Dener (39) 6 illik sevgilisi Xanım Kayanın elçilik mərasimini müzakirə etmək üçün ailə böyüklərini evinə çağırıb. Mayın 10-nu Kayanın evinə elçilik planlaşdırılsa da, Suphi israrla bütün qohumlarını evinə yığıb. Bundan sonra keçmiş bələdiyyə işçisi olan bibisinin həyat yoldaşı İsmət Mətin (76), bibisi Nurşen Metin (68), qızları Sənəm Mətin (41), onu böyüdən digər bibisi Könül Cengiz (66) və Suphi Cumhur Cengiz (38) Adanaya gəlib.

Ailə Zeynəb olaraq tanıdıqları Xanım Kayanı evlərinə gəlin olaraq gətirmək istəmədiklərini bildirdikdən sonra Suphi ilk olaraq divanda əyləşən Nurşen Metin, Könül Cengiz və Sənəm Metini güllələyib.

Suphi İsmət Mətini dəhlizdə, Suphi Cumhur Cengizi isə qonaq otağında öldürüb. Yataq otağına keçən Dener polisə zəng vurub, evinin adresini verdikdən sonra "Hamısını vurdum" deyərək tapançasındakı son gülləni də öz başına sıxıb.

Sevgilisinin 5 nəfəri və özünü öldürdüyünü öyrənən Xanım Kaya əsəb krizi keçirib. O, Suphinin niyə belə etdiyinin səbəbini bilmədiyini açıqlayıb.

Suphi Denizhan Denerin yaxın bir dostu bildirib ki, Zeynəb yüngül həyat tərzi keçirdiyi üçün sevgilisinin ailəsi onu istəməyib.