Şəbnəm RÜSVAY ETDİ: “Utanmır, yekə kişidir, hamının gözü qabağında...”

Tanınmış aparıcı Şəbnəm Turan aktyor, müğənni və digər peşə sahiblərinin aparıcılıq etməsinə qəzəblənib.

Yenicag.az-a açıqlama verən Şəbnəm aktyor, müğənni və digər peşə sahiblərinin aparıcılıq etməsinə qarşı çıxıb:

“Bu işin nəzəriyyəsini bilən, illərlə özünü efirə həsr edən aparıcılar qalıb qıraqda, müğənnilər, aktyorlar düşüb ortalığa. Baxırsan ki, aparıcı kimi nə qabiliyyətləri var, nə də savadları. Təki şou göstərsinlər. Yekə kişidir, yaxud da qadın, hamının gözü qabağında dəvət etdiyi qonağı təhqir edir, tullanıb-düşür, biabır edir, veriliş reytinq qazansın. Unudurlar ki, onlara milyonlar baxır. Adama deyərlər, sən kimsən axı, camaata dərs verirsən, ağıl öyrədirsən?Hələ bir özün savadlan, bir-iki kitab oxu, ondan sonra kiməsə ağıl öyrət. Qısası, efiri tamadalar, müğənnilər, aktyorlar basıb. Xarici telekanallara baxırsan, aparıcının savadına, biliyinə, özünü aparmasına heyran qalırsan. Bizimkilər canlı yayımda efirə çıxır, nə danışdığını özü də bilmir. Biabırçılıqdır! Söz də düşəndə deyirlər ki, tamaşaçı onları aparıcı kimi görmək istəyir. Tamaşaçının adından danışmaq lazım deyil. Tamaşaçıya hörmətsizlik etmək olmaz”.