Sarkisyana sui-qəsd etmək istəyən komandanın üzvü saxlanıldı – “Zenit-raket kompleksi” ilə- VİDEO

Gürcüstan Daxili İşlər Nazirliyi Kriminal Departament Mərkəzinin əməkdaşları “İqla” zenit-raket kompleksini Ermənistana keçirməkdə ittiham olunan və Ermənistan polisinin Cinayət axtarış baş idarəsi tərəfindən axtarışda olan 40 yaşlı Ermənistan sakini Roberti həbs edib.

GOLDNEWS.Az tert.am-a istinadla xəbər verir ki, Ermənistan hakimiyyəti ölkəyə “İqla” zenit-raket kompleksi keçirməyə çalışan 3 nəfər barədə axtarış elan edib. Kompleksin Gürcüstan ərazisindən keçirildiyi təxmin edilir. Gürcüstan DİN məlumatın hələlik dəqiqləşmədiyini, ermənistanlı həmkarları ilə bu sahədə sıx əməkdaşlıq etdiklərini açıqlayıb.

Xatırladaq, Qarabağ separatçılarının sabiq komandanı Samvel Babayan martın 22-də dövlət çevrilişi və prezident Serj Sarkisyanın vertolyotunu vurmağa cəhd etmək ittihamı ilə Ermənistan xüsusi xidmət orqanları tərəfindən saxlanılıb, daha sonra isə məhkəmə onun 2 aya qədər həbsi haqda qətnamə çıxarıb.