"Ronaldo məni evinə dəvət etdi" deyən türk modelin yalanı belə ortaya çıxdı
Bir çox sosial media fenomeni və məşhur şəxslərin bir proqram ilə özlərinə İnstaqram üzərindən mesaj yolladığı ortaya çıxıb.
GoldNews.Az xəbər verir ki, proqramın ortaya çıxması ilə model Cansu Taşkının yalanı üzə çıxıb.
Model tez-tez Ronaldonun onunla əlaqədə olduğunu iddia edərək gündəmə gəlməyi bacarır, ancaq vəziyyət güman edildiyi kimi çıxmayıb.
Populyar şəxslərlə əlaqədə olduğunu söyləyən belə hesab sahiblərinin "Google Play Store" və "App Store" üzərindən endirilən bir proqram vastəsilə özlərinə dünyaca məşhur şəxslərin adından istifadə edərək mesaj yazdıqları və bunu bəzi proqramlar sayəsində gerçəkləşdirdikləri ortaya çıxıb.
Ağıllı telefonlar üçün yaradılan bir proqram ilə İnstaqramdan saxta mesajlaşma etmək mümkündür. Belə ki, telefona yüklənən proqram açılan zaman menyudan ən altdakı Yeni mesaj düyməsinə kliklənir. Daha sonra saxta mesaj yaradacaq şəxsin profil məlumatları (istifadəçi adı, profil şəxsi) qeyd edilərək yadda saxla düyməsi seçilir. Ardınca mesajlaşma ekranına girilir və mesaj yazmaq qutusundan ismarıc yazılır. Mesaj göndərən tərəf olmaq istəyənlər göndər düyməsinin yanında olan oxun yaşıl olmasına diqqət edirlər.
