Qətər əmiri ilk dəfə körfəz böhranından danışdı "Bənzəri görülməmiş embarqoya məruz qaldıq..."

Qətər əmiri şeyx Təmim bin Hamad Al Sani mərkəzi Qətərdə yerləşən "Əl-Cəzirə" kanalında yayımlanan müsahibəsində maraqlı faktlara toxunub.

GoldNews.Az xəbər verir ki, şeyx 5 iyunda Səudiyyə Ərəbistanı, Misir, BƏƏ və Bəhreyn hökümətlərinin Qətər ilə bütün diplomatik münasibətlərini kəsməsi ilə başlayan körfəz böhranına bağlı olaraq ilk dəfə açıqlama edib.

"Bənzəri görülməmiş mühasirəyə məruz qaldıq" Şeyx Təmim "Daha öncə heç görülməmiş qışqırtmalar, şərlər ilə bənzəri görülməmiş qəyyumluq və mühasirə cəhdinə məruz qaldıq. Məruz qaldığımız bu kompaniya əvvəldən planlaşdırılıb. Bir sınağa girdik və imtahanı uğurla verdik" deyib.

"Danışıqlara hazırıq"

Ölkəsinin mübahisələrin həlli üçün embarqo qoyan dövlətlərlə "azadlığa hörmət üzərinə təşkil olunmuş" dialoqa hazır olduğunu bildirən Şeyx Təmim bunları deyib: "Hər hansı bir böhranın müəyyən qanunlar üzərində həll edilməsi lazımdır. Əvvəla, bütün dövlətlərin müstəqilliyinə və iradəsinə hörmət çərçivəsində bir həll tapılmalıdır. Həmçinin, bir tərəf digər tərəfə təzyiq etməməlidir, əksinə qarşılıqlı razılıq və hər kəsi əlaqələndirən ortaq məsuliyyətlər olmalıdır. Biz bütün anlaşılmamazlıqlara həll tapmağa və danışıqlara hazırıq".

"Siyasi narazılıqların bədəlini xalqlar ödəməsin"

Həll olunmamış problemlərə həll tapmaq üçün danışıqlara hazır olduqlarını bildirən Şeyx Təmim "Hökümətlər arasındakı siyasi narazılıqların bədəlini xalqların ödəməsini dayandırmağın vaxtı yetişdi"- deyə danışıb.

Küveytin vasitəçiliyindən də danışan Şeyx Təmim "Qətəri əvvəldən dəstəkləyən Küveyt əmiri Sabah el-Əhməd el-Cabir es-Sabahın vasitəçilik cəhdlərini böyük məmnuniyyətlə qarşılayır və bu cəhdlərin uğurla nəticələnməsini umuruq. Amerikanın vasitəçiliyə dəstəyini, Almaniya, Fransa, İngiltərə, Avropa və Rusiyanın tutduqları mövqeni dəstəkləyirik" - deyə bildirib.

Əmir həmçinin Türkiyəyə də təşəkkür edib: "Türkiyəyə aramızda imzalanan iş birliyi razılığını sürətli bir şəkildə həyata keçirdiyi və əsas ehtiyaclarımızı qarşıladığı üçün təşəkkürümüzü bildiririk".