Qohumu 47 yaşlı kişini bıçaqladı - Yenilənib

Gəncədə bıçaqlanma hadisəsi baş verib. “Qafqazinfo”nun məlumatına görə, hadisə Yeni Gəncə yaşayış massivində qeydə alınıb. İlkin məlumata görə, 47 yaşlı Arzu Bəricaz öz qohumu tərəfindən bıçaqlanıb. Ürək nahiyəsindən bir neçə bıçaq zərbəsi alan şəxs ağır vəziyyətdə yaxınlıqdakı xəstəxanaların birinə çatdırılıb. Hadisə yerinə hüquq-mühafizə orqanlarının əməkdaşları cəlb olunub. Faktla bağlı araşdırma başlanılıb. *** Ötən gün saat 16 radələrində 1990-ci il təvəllüdlü Qurbanov Şahin Firuddin oğlu Gəncə şəhəri 28 May küçəsində aralarında baş vermiş mübahisə zamanı 1978-ci il təvəllüdlü Bəricaz Arzu Fərhad oğlunu bıçaqla vuraraq, ona döş qəfəsinin, sol yarısının, daxilə nüfuz edən hissəsindən xəsarət yetirib. Faktla bağlı cinayət işi başlanılaraq istintaq aparılır. Yunis Quliyev