Qatar yenə tuneldə qaldı - Bakı metrosunda HƏYƏCAN

Bakı metropolitenində qatar tuneldə qalıb.

GoldNews.Az xəbər verir ki, hadisə “28 may” və “Nizami Gəncəvi” stansiyaları arasındakı məsafədə baş verib.

“Bakı Metropoliteni” QSC-nin mətbuat katibi Nəsimi Paşayev A24.Az-a açıqlamasında bildirib ki, səhər saat 09:15-də “24 saylı” marşurt üzrə hərəkət edən qatarımız “Dərnəgül” “Həzi Aslanov” istiqamətində hərəkət edəndə “28 may” stansiyasında qatarda nasazlıq yaranıb:

“Qatarda texniki nasazlıq yarandığı üçün hərəkət edə bilməyib. Ona görə də, arxadan gələn digər qatarlar məcburi şəkildə platformada gözləmələri olublar. 24 saylı marşrut qatarı qısa zaman ərzində hərəkətə gətirib depoya yola saldıq. Ondan sonra arxada gələn digər qatarların hərəkətini təmin etdik. Hazırda heç bir problem yoxdur qatarların hamısı hərəkətdədir. Həmin qatarda nasasızlıq olduğu üçün qatarların ümumi gəlişində gecikmə yaranıb”.

“Tək “28 may” stansiyasında deyil, digər bütün stansiyalarda bu gecikmə müşahidə olunub. Sərnişin sıxlığı, gecikmə, platformada sərnişlərin gözləməsi halları var idi. Yaranan texniki nasazlığa görə sərnişinlərdən üzr istəyirik”, – deyə N.Paşayev əlavə edib.