Qardaş ölkədən cəbhədə baş verənlər barədə AÇIQLAMA

Türkiyə ötən gün cəbhədə baş vermiş erməni təxribatını qınayıb.

GoldNews.Az xəbər verir ki, Türkiyənin xarici işlər naziri bildirib ki, 4 iyul 20:40 radələrində Azərbaycanın Füzuli rayonunda yerləşən Alxanlı kəndi Ermənistan tərəfindən atəşə tutulub və bunun nəticəsində 50 yaşlı bir qadın və 2 yaşlı nəvəsi vəfat edib.

“Türkiyə bu hadisəni şiddətlə qınayır, azərbaycanlı qardaşlarımıza Allahdan rəhmət və səbr diləyirik”.

Açıqlamada göstərilib ki, Ermənistanın bu mənfur siyasəti beynəlxalq hüquqa və insani dəyərlərə ziddir.

“Ermənistan bilərəkdən, sistemli şəkildə siyasətini həyata keçirir. Qarabağ probleminin həll olunmamasında başlıca problem odur və Ermənistanın işğal etdiyi torpaqlardan çəkilməsi üçün təzyiq göstərilməlidir”.

“Türkiyə ATƏT-in Minsk qrupunun üzvi olaraq, problemin sülh yolu ilə həll edilməsini və Azərbaycanın ərazi bütövlüyünə nail olmaq üçün etdiyi cəhdləri dəstəkləyəcək”.