Qardaş olan iki kriminal avtoritet Azərbaycana ekstradisiya edilir - FOTOLAR

Azərbaycanlı kriminal avtoritet, Kaluqa həbsxanasında cəza çəkən ''Bərdəli Ruslan'' və onun qardaşı Dadaşın yaxın zamanlarda vətənə ekstradisiyası gözlənilir.

GoldNews.Az saytı xəbər verir ki, krimetimeru-nun kriminal dairələrə yaxın mənbələrdən əldə etdiyi məlumata görə, Ruslan Nəzərli Kaluqa şəhər məhkəməsinin qərarı ilə, Rusiya Cinayət Məcəlləsinin 318-ci (dövlət məmuruna qarşı zorakılıq), 209-ci (Qanunvericiliklə nəzərdə tutulmayan silahlı birləşmələri və ya qrupları yaratma) və 163-cü yəni (quldurluq) maddəsinin bir neçə bəndi ilə təqsirli bilinərək 10,5 il azadlıqdan məhrum edilib.

Dadaş Nəzərli isə Rusiya Federasiyası Cinayət Məcələsinin 209-ci (Qanunvericiliklə nəzərdə tutulmayan silahlı birləşmələri və ya qrupları yaratma) və 163-cü yəni quldurluq maddəsinin bir neçə bəndi ilə təqsirli bilinərək 11,5 il müddətinə azadlıqdan məhrum edilib.

Qeyd edək ki, hər iki şəxs Azərbaycan vətəndaşı olduğu üçün, dövlət tərəfindən onların ekstradisiyası üçün Rusiya federasiyasına sorğu göndərilib. Sorğu əsasında hər iki dövlət arasında razılaşma olub və yaxın günlərdə kriminal avtoritetlərin Azərbaycana ekstradisiya olunacağı gözlənilir.