"Polislər anama dedi ki, oğruya telefonu siz özünüz könüllü vermisiniz" – Fotofakt

Bakı şəhəri Malakan bağının yaxınlığında Xəqani ticarət mərkəzinin 3-cü mərtəbəsində yerləşən yerləşən "Fantaziya" adlı mağazada oğurluq hadisəsi baş verib. Ləman adlı şəxs tanışlıqdan istifadə edərək danışmaq üçün mağaza sahibi İbrahimova İrinanın telefonunu müvəqqəti alıb və həyat yoldaşı ilə danışmaq bəhanəsilə çölə çıxıb. Bir müddət vaxt keçdikən sonra həmin şəxs yoxa çıxıb.

Goldnews.az xəbər verir ki, hadisə barədə bizimyol.info-ya zərərçəkən şəxsin qızı Gülnarə İbrahimova müraciət edib. Müraciətdə deyilir:

"Hadisə 6 iyul tarixində baş verib. Belə ki, Ləman adlı tanıdığımız şəxs mağazaya gəldikdən sonra tanışlığımızdan sui-istifadə edərək anam İbrahimova İrinanın mobil telefonunu istəyib. Danışmaq bəhanəsilə çölə çıxan qız bir müddət sonra telefonu qaytarmadan ərazini tərk etdi. Araşdırıb öyrəndik ki, qız Səbail rayonu 20-ci sahə adlı ərazidə yaşayır. Mən o telefonu kreditə götürmüşdüm və hələ də ödənişi başa çatdırmamışam. O telefona çox ehtiyacımız var idi. 39-cu polis bölməsinə müraciət etdik. Video və şəkillərdə hər şey aydın əks olunduğu üçün polislər oğurluğu təsdiq etdi, lakin işimizə baxılmadı. Polislər anama dedi ki, oğruya telefonu siz özünüz könüllü vermisiniz, bölməni tərk edin. Telefonumuzu oğurlayan qız isə üzsüzcəsinə bizdən şikayət edərək bildirib ki , biz onu əsassız yerə ittiham edirik. 39-cu polis bölməsinin əməkdaşları oğurluğu təsdiq etsə belə işimizə baxılmayıb. Hətta bununla bağlı 102 xidmətinə də müraciət etmişik. Araşdırdıq, bizə dedilər ki, Ləman adlı həmin xanımı oğurluq etdiyi üçün yaşadığı evdən də çıxardıblar. Çox istərdik ki, bizim müraciətlərimizə baxılsın və telefonumuz həmin şəxsdən alınaraq özümüzə qaytarılsın".

Məsələ ilə bağlı 39 Səbail Rayon Polis İdarəsinin 39-cu polis bölməsi ilə əlaqə saxladıq. Növbətçi hissədən verilən məlumata görə dəftərxanada çalışan əməkdaş icazəli olduğu üçün məsələ ilə bağlı heç bir məlumat verə bilməyəcəklər.