Polisə "sən bilirsən mən kimin gəliniyəm? "paqonu"nu cıracam" deyən GƏLİN DANIŞDI - VİDEO
Bakıda xanım sürücünün vəzifə başında olan DYP əməkdaşının videosunu çəkərək sosial şəbəkələrdə paylaşması geniş müzakirələrə səbəb olub.
GoldNews.Az xəbər verir ki, DYP-nin yayımladığı görüntülərdən sonra azxeber.com-la əlaqə saxlayan Fatma Talıbova hadisənin baş vermə anından danışıb. O, hadisənin baş verdiyi ərazidə olanlarla bağlı əməkdaşlarımızla söhbətləşib. Xanım sürücü yol polisinin onu bilərək və qərəzli şəkildə saxladığını, iddia olunduğundan fərqli olaraq kəmər taxdığını deyib.
Xanım sürücünün sözlərinə görə, yol polisi ona yaxınlaşan zamanı gülməyə başlayıb. Bundan sonra "nömrəmi götür, nə lazım olsa yığarsınız" deyib. Daha sonra onunla sərt danışdığını deyən sürücü, yol polisinin də qəzəbləndiyini və ona pratokol yazıdığını əlavə edib.
F.Talıbovanın sözlərinə görə sosial şəbəkələrdə yayımlanan görüntülərdən sonra DYP-dən ona zəng gəldiyini və mətbuata müsahibə verməməsi xahiş edilib. Bundan başqa sürücü yol polisinin onun görüntülərini yayımlamasından sonra intihar etmək istədiyini də əlavə edib.
Xatırladaq ki, ötən gün 90 GG 044 dövlət nömrə nişanlı "Jeep Vrangler” markalı avtomobilin sürücüsü Fatma Talıbovanın iddiası səs-küyə səbəb olmuşdu. Sürücünün yayımladığı video DYP əməkdaşının onu saxlayaraq münasibət qurmağa çalışdığını və "padxod" etdiyi bildirilmişdi.
DYP isə məsələ ilə bağlı operativ açıqlama yayaraq, xanım sürücünün iddialarını yalanlayıb. Qrum açıqlamasında 90 GG 044 dövlət nömrə nişanlı avtomobili idarə edən Fatma Talıbovanın avqustun 1-də saat 15:40 radələrində Teymur Elçin və Lermantov küçələrinin kəsişməsində təhlükəsizlik kəmərindən istifadə etmədiyinə görə yol polisi əməkdaşı, çavuş Fərid Mustafazadə tərəfindən saxlanıldığı bildirilib. Məlumatda xanım sürücünün yol polisinin saxla işarəsinə tabe olmayaraq hərəkətə davam etdiyi qeyd edilib. Sonra Mehdi Hüseyn küçəsində ("Alov qüllələri”nin yanı) digər avtomobillər yolu kəsdikdən sonra onu saxlamaq mümkün olub. Avtomobili saxlayan kimi özünü Daxili İşlər Nazirliyinin 102 xidmətinin əməkdaşı kimi təqdim edən xanım sürücü polisin saxla işarəsi zamanı əlini çiyninə qoyaraq "mən də paqonam” göstərib. Lakin saxlanılan zaman bunun əksinə olaraq formada olmadığını bildirərək bundan imtina edib. Daha sonra xanım sürücü "sən bilmirsən mən kimin gəliniyəm, sənin paronlarını sökdürəcəm” deyib. Həmçinin polis əməkdaşına "sən korsan” deyə müraciət edərək onun poqonlarına əl atıb. Bundan sonra polis əməkdaşı qadın sürücüyə protokol tərtib edib. Saxla işarəsinə tabe olmadığı üçün xanım sürücü 80 manat və 4 balla cəzalandırılıb.
Qeyd edək ki, F.Talıbova müsahibə zamanı üzünün görünməsini istəməyib. Həmin müsahibəni olduğu kimi təqdim edirik:
