Perez Ronaldonun transferinə münasibət bildirdi: "PSG-nin sahibi yaxın dostumdur..."
Real Madrid klubunun prezidenti Florentino Perez Kristiano Ronaldo haqqında danışıb.
GoldNews.Az xəbər verir ki, Perez bildirib ki, Ronaldo jurnalistlərin ona qarşı olan qeyri-obyektiv nəzərlərindən narahatdır: "Xəbərlər çıxan kimi hər kəs Kristianonun günahkar olduğu nəticəsinə gəldi. Bizim komanda olaraq ona inamımız tamdır. Üzərinə düşən məsuliyyətləri yerinə yetirdiyinə inanırıq".
Perez bildirib ki, Ronaldo Realda qalmaqdan xoşbəxtdir: "Burada rahat və xoşbəxt olduğunu söylədi. Mən mətbuatda yazılanlardan başqa onun sözlərinə inanmaq məcburiyyətindəyəm. Haqqında çıxan dedi-qodulara fikir vermirik".
Prezident əlavə edib ki, futbolçu ilə bağlı rəsmi olaraq kluba heç bir təklif gəlməyib:"Müqavilənin 1 milyard dollar ləğvliq bədəli var. Bu vaxta kimi bizə hər hansı bir təklif gəlməyib. Mətbuatda yazılanlara inanmayın. PSG-nin sahibi yaxın dostumdur. Ciddi bir maraqları olsa zəng vurub mənə deyər".
